Закир Найманбаев Power Slap рейтингінде үздік үштікке енді
Фото с открытых источников
Қазақстандық спортшы Закир Найманбаев Power Slap ауыр салмақ рейтингінде жоғарылап, лиганың үздік үштігіне енді, деп хабарлайды Pin-UpSport.kz. Жаңартылған тізімде ол үшінші орынға көтерілді.
Найманбаев бір сатыға жоғарылап, дивизион көшбасшыларының қатарына қосылды. Оның алдында Дориан Перес пен Нейт Бернард орналасқан, ал чемпиондық белбеу Дэмиен Диббеллдің еншісінде. Рейтинг соңғы нәтижелерге сәйкес жаңартылды.
Соңғы жекпе-жегінде қазақстандық спортшы Лас-Вегаста өткен Power Slap 18 турнирінде америкалық Уэсли Менаны төрешілердің бірауызды шешімімен жеңді.
Осылайша, Найманбаев лигадағы орнын нығайтып келеді. Қазіргі таңда ол бес жекпе-жек өткізіп, үш жеңіске жетті және екі рет жеңілді, ал рейтингте одан әрі жоғарылау мүмкіндігі сақталып отыр.
