«Барыстың» көшбасшысы командадан кетеді
Астаналық «Барыс» клубының америкалық шабуылшысы Майкл Веккьоне маусым аяқталған соң командадан кетіп, мансабын Минскінің «Динамосында» жалғастырады, деп хабарлайды Pin-UpSport.kz. Ол еркін агент ретінде ауысады.
Дереккөздердің мәліметінше, ойыншының «Динамо» Минскке ауысуы келісілген. Осылайша, «Барыс» командасы негізгі ойыншыларының бірінен айырылады.
Ағымдағы маусымда Веккьоне 65 матч өткізіп, 46 ұпай жинады (19 шайба және 27 нәтижелі пас), команданың үздік бомбардирі атанды. Маусым барысында оған КХЛ-дың бірнеше клубы қызығушылық танытқан, алайда жоғары өтемақы талап етілуіне байланысты келісімдер жүзеге аспады.
Нәтижесінде хоккейші маусымды «Барыс» сапында аяқтап, келісімшарт мерзімі біткен соң клубтан кетеді. Ол командаға 2025 жылдың тамызында «Трактордан» ауысып, 2026 жылдың соңына дейін келісімшартқа отырған еді.
Айбар Рысдаулет
Назым Қызайбай әлем кубогының 1/8 финалында жеңілді
Луиш Нани «Ақтөбедегі» алаң сапасына наразылық білдірді