Шайдоров 2025/26 маусымында ең жоғары табыс тапқан мәнерлеп сырғанаушы атанды
Metaratings порталы 2025/26 маусымының қорытындысы бойынша қысқы спорт түрлеріндегі спортшылардың табысына зерттеу жүргізді, деп хабарлайды Pin-UpSport.kz. Мәнерлеп сырғанауда барлық төлемдерді есептегенде ең жоғары табысқа қазақстандық Михаил Шайдоров ие болды.
Халықаралық конькишілер одағының сыйақылары бойынша америкалық Илья Малинин көш бастады. Ол Гран-при кезеңдері, финал және әлем чемпионаты нәтижесінде жалпы 125,9 мың доллар тапқан. 100 мың доллардан астам табысқа Каори Сакамото мен Юма Кагияма да қол жеткізді. Малинин ISU аясындағы барлық спортшылар арасында да ең жоғары көрсеткішке ие болды.
Алайда Олимпиада ойындары үшін берілетін бонус есепке алынғанда жағдай өзгерді. Михаил Шайдоров ISU-дан 30,7 мың доллар тапқанымен, 2026 жылғы Олимпиадада жеңіске жеткені үшін Қазақстан тарапынан 250 мың доллар көлемінде сыйақы алды.
Осылайша, Шайдоровтың 2025/26 маусымындағы жалпы табысы 280,7 мың долларды немесе 242,7 мың еуроны құрады. ISU аясындағы жалпы табысы бойынша одан жоғары көрсеткіш конькишілер Франческа Лоллобриджида мен Андреа Джованниде, сондай-ақ шорт-трекші Арианна Фонтана мен Кьяра Беттиде тіркелді, олар Олимпиада сыйақылары есебінен алға шыққан.
Айбар Рысдаулет
«Бавария» «Реалды» жеңіп, Чемпиондар лигасындағы сәтсіз сериясын тоқтатты
Илия Топурия UFC-тегі үшінші титул туралы пікірін білдірді