Қазақстандық файтер UFC-де допинг үшін шеттетілді
Фото: Zuffa LLC
Қазақстандық ММА файтері Әліби Ыдырыс допинг ережелерін бұзғаны үшін UFC ұйымынан шеттетіліп, оның соңғы жекпе-жегінің нәтижесі жойылды, деп хабарлайды Pin-UpSport.kz. Мұндай шешім спортшының ағзасынан тыйым салынған заттың анықталуына байланысты қабылданды.
Ресми мәліметке сәйкес, оның допинг сынамасынан гидрохлоротиазид табылған. Бұл зат тыйым салынған диуретиктер қатарына жатады. Аталған препарат жекпе-жекке дейінгі кезеңде, яғни Оде Осборнға қарсы 22 ақпанда өткен айқас алдында қабылданғаны айтылды. Спортшы салмаққа түсу үшін осы препаратты қолданғанын мәлімдеген.
Аталған жекпе-жек бастапқыда қазақстандық файтердің төрешілер шешімімен жеңісімен аяқталып, UFC-дегі алғашқы жеңісі болған еді. Алайда енді бұл нәтиже күшін жойды. Антидопинг ұйымдарымен толық ынтымақтастыққа қарамастан, жазаның мерзімі қысқартылған жоқ.
Әліби Ыдырыстың дисквалификациясы 2026 жылдың 21 ақпанынан бастап күшіне еніп, 2027 жылдың 21 ақпанына дейін жалғасады. Бұған дейін ол UFC-де өнер көрсеткен қазақстандық алты файтердің бірі болған және ұйымға The Ultimate Fighter жобасы арқылы қосылған.
Айбар Рысдаулет
Қазақстан құрамасы FIFA Series турнирінде топ жеңімпазы атанды
Рыбакина мен Путинцева Мадридтегі турнирге қатысады