Құламбаева Нагпурда қос титул жеңіп алды
Қазақстандық теннисші Жібек Құламбаева Нагпурда өткен ITF W15 турнирінде жекелей және жұптық сында жеңіске жетіп, абсолютті чемпион атанды, деп хабарлайды Pin-UpSport.kz. Ол бір турнирде екі бірдей титул иеленді.
Жекелей сындағы финалда Құламбаева үндістандық Сонал Патилмен кездесті. Қазақстандық теннисші сенімді ойын көрсетіп, матчты екі сетте 6:1, 6:3 есебімен жеңіп шықты. Осылайша, ол жекелей сында чемпион атанды.
Жұптық сында Құламбаева ресейлік Екатерина Яшинамен бірге өнер көрсетті. Финалда олар Элина Неплий мен Ксения Ласкутоваға қарсы ойнады. Қарсылас жұппен өткен тартысты матч 5:7, 6:4, 10:6 есебімен Құламбаева мен Яшина пайдасына аяқталды.
Бұл нәтиже Құламбаева үшін маңызды болды, себебі бұл екі титул да оның жарақаттан кейінгі осы маусымдағы алғашқы жеңістері саналады.
Айбар Рысдаулет
Қазақстандық боксшылардың Азия чемпионатындағы алғашқы қарсыластары анықталды
Қазақстан гимнасттары Софиядағы Әлем кубогы кезеңінде өнер көрсетті