Қазақстан Паралимпиада-2026 ойындарын 18-орында аяқтады
Қазақстан құрамасы 2026 жылғы қысқы Паралимпиада ойындарын жалпы медальдық есепте 18-орында аяқтады, деп хабарлайды Pin-UpSport.kz. Жарыс Италияның Милан және Кортина-д’Ампеццо қалаларында өтті.
Аталған додада Қазақстан құрамасы екі медаль жеңіп алды. Екі жүлдені де ел қоржынына Ербол Хамитов салды. Ол парабиатлондағы спринттік қуу жарысында алтын медаль жеңіп алды, сондай-ақ парашаңғы спринтінде қола жүлдеге ие болды.
Қысқы Паралимпиадада Қазақстан атынан жеті спортшы бақ сынады. Олар парашаңғы жарыстары мен парабиатлон бойынша жарыстарға қатысты. Ербол Хамитовтен бөлек, Александр Герлиц, Сергей Усольцев, Юрий Березин, Анна Грачова, Нурлан Әлімұлы және Денис Кобаль стартқа шықты.
Жалпы медальдық есепте бірінші орынды Қытай құрамасы иеленді. Қытай спортшылары 15 алтын, 13 күміс және 16 қола медаль жеңіп алды. Екінші орында АҚШ құрамасы (13 алтын, 5 күміс, 6 қола) орналасса, үшінші орынды Ресей құрамасы (8 алтын, 1 күміс, 3 қола) иеленді.
