Самородов РПЛ матчында «Ахмат» сапындағы ең жоғары баға алды
Максим Самородов. Фото: kazfootball.kz
Грозныйдың «Ахмат» клубында өнер көрсететін қазақстандық шабуылшы Максим Самородов Ресей Премьер-лигасының 20-туры аясында өткен «Локомотивке» қарсы матчтағы ойыны үшін баға алды, деп хабарлайды Pin-UpSport.kz. Кездесу 2:2 есебімен тең аяқталды.
Flashscore статистикалық порталы осы матчтағы ойыншылардың әрекеттерін бағалап, әр футболшыға жеке көрсеткіш берді. Самородовтың ойыны 7,2 баллға бағаланды. Бұл көрсеткіш «Ахмат» құрамында алаңға шыққан барлық ойыншылар арасындағы ең жоғары нәтиже болды.
Қазақстандық шабуылшы матч барысында нәтижелі әрекет көрсетті. Ол кездесудің 26-минутында гол соғып, командасын 2:0 есебімен алға шығарды. Самородов ойынды негізгі құрамда бастап, шабуыл шебінде белсенді әрекет етті.
Шабуылшы матчтың басым бөлігінде алаңда болды. Ол 87-минутта ауыстырылып, оның орнына алаңға тағы бір қазақстандық футболшы — Ғалымжан Кенжебек шықты.
Айбар Рысдаулет
Кенжебек Ресей Премьер-лигасында алғашқы матчын өткізді
Модрич «Реалға» оралу туралы қауесеттерге пікір білдірді