Димаш Құдайберген Михаил Шайдоровқа автокөлік сыйлады
Қазақстандық әнші Димаш Құдайберген Олимпиада чемпионы Михаил Шайдоровқа берген уәдесін орындады, деп хабарлайды Pin-UpSport.kz. Әнші бұған дейін спортшыға көлік сыйлайтынын мәлімдеген болатын.
Qumash Instagram-парақшасында чемпионға арналған автокөліктің суреттері жарияланды. Михаил Шайдоровқа қара түсті Hyundai Palisade табысталды. Көлік ұлттық нақыштағы графикамен безендірілген. Кузовында жеңіске арналған құттықтау жазулары және Олимпиада чемпионына арналатыны көрсетілген.
2026 жылдың ақпан айындағы мәлімет бойынша, Hyundai Palisade автокөлігінің люкс жиынтығындағы орташа бағасы 37,3–37,8 миллион теңге аралығында.
Еске салсақ, 13 ақпанда Михаил Шайдоров қысқа және еркін бағдарламалардың қорытындысы бойынша 2026 жылғы Олимпиада ойындарының чемпионы атанды. Ол өнер көрсету кезінде Димаш Құдайбергеннің әнін пайдаланған. Сол күні әнші спортшыға автокөлік сыйлайтынын жариялаған еді.
Айбар Рысдаулет
«Тұран» клубы 1 054 000 теңге бастапқы бағамен аукционға шығарылды
Азамат Дәулетбеков пен Ризабек Айтмұхан Албаниядағы турнирде қола медаль иеленді