Анна Данилина Дохадағы WTA 1000 турнирінің жеңімпазы атанды
Қазақстандық теннисші Анна Данилина Доха қаласында өткен WTA 1000 санатындағы турнирде жұптық сында чемпион атанды, деп хабарлайды Pin-UpSport.kz. Ол сербиялық Александра Круничпен бірге жарыстың финалына дейін жетіп, шешуші кездесуде жеңіске қол жеткізді.
Финалда қазақстандық-сербиялық жұп Қытай Тайбэйінің өкілі Се Шувэй мен латвиялық Елена Остапенкомен ойнады. Кездесу үш сетке созылып, чемпиондық тай-брейкпен аяқталды. Алғашқы партияда 0:6 есебімен жеңілген Данилина мен Крунич екінші сетте 7:6 (7:3) есебімен жеңіске жетіп, матчтағы есепті теңестірді.
Шешуші супер тай-брейкте қазақстандық-сербиялық дуэт 10:8 есебімен басым түсіп, матчты өз пайдасына аяқтады. Қорытынды есеп — 0:6, 7:6 (7:3), 10:8.
Бұл жеңіс Анна Данилина үшін WTA турнирлеріндегі жұптық сындағы 12-ші титул болды. Дохадағы табысты өнерінің арқасында ол әлемдік рейтингте жетінші орынға көтеріледі, бұл оның мансабындағы жаңа жеке жетістік саналады.
