2026 жылғы Олимпиадаға қанша қазақстандық қатысады және олар қай спорт түрлерінде бақ сынайды
Италияда өтетін 2026 жылғы қысқы Олимпиада ойындарының ашылуына екі аптаға да жетер-жетпес уақыт қалды. Қазіргі таңда Қазақстан ұлттық құрамасының тізімі белгілі болды.
Алдағы Олимпиадада ел намысын 36 спортшы қорғайды. Олар спорттың он түрі бойынша жүлделерге таласады.
Биатлон
– Владислав Киреев
– Әсет Дүйсенов
– Милана Генева
– Айша Ракишева
Тау шаңғысы
– Ростислав Хохлов
– Александра Скороходова
Конькимен жүгіру спорты
– Евгений Кошкин
– Надежда Морозова
– Кристина Силаева
– Арина Ильященко
– Елизавета Голубева
Шаңғы жарысы
– Наиль Башмаков
– Виталий Пухкало
– Әмірғали Мұратбеков
– Надежда Степашкина
– Дарья Ряжко
– Ксения Шалыгина
– Анна Мельник
Шаңғы қоссайысы
– Шыңғыс Ракпаров
Шаңғымен тұғырдан секіру
– Илья Мизерных
– Данил Васильев
Мәнерлеп сырғанау
– Михаил Шайдоров
– Софья Самоделкина
Фристайл-акробатика
– Шерзод Хаширбаев
– Асылхан Асан
– Роман Иванов
– Дінмұхамед Райымқұлов
– Аяна Жолдас
Фристайл-могул
– Павел Колмаков
– Анастасия Городко
– Юлия Галышева
– Аяулым Әмренова
Шорт-трек
– Абзал Әжғалиев
– Денис Никиша
– Яна Хан
– Ольга Тихонова
Сонымен қатар бапкерлер спортшылардың нақты қай дисциплиналарға қатысатынын бекітті.
Биатлонда Владислав Киреев, Әсет Дүйсенов, Милана Генева және Айша Ракишева спринтте, жекелей жарыста, сондай-ақ аралас эстафетада өнер көрсетеді.
Жекелей жарыстардағы нәтижелерге байланысты олар масс-старт пен із кесу сайысына қатысу құқығына ие болуы мүмкін.
Тау шаңғысында Ростислав Хохлов слалом және алып слаломда бақ сынайды. Александра Скороходова бұл екі дисциплинамен қатар өте алып слаломда жарысқа түседі.
Конькимен жүгіруде Евгений Кошкин 500 метр қашықтықта ел намысын қорғайды. Әйелдер арасында Қазақстан бірнеше қашықтықта өнер көрсетеді.
– 500 метр: Кристина Силаева, Арина Ильященко
– 1000 метр: Надежда Морозова, Елизавета Голубева
– 1500 метр: Надежда Морозова, Елизавета Голубева
– 3000 метр: Надежда Морозова, Елизавета Голубева
– 5000 метр: Надежда Морозова
– Масс-старт: Елизавета Голубева
Сондай-ақ Қазақстан әйелдер арасындағы командалық із кесу жарысына үш спортшыдан жасақталған құраммен қатысады.
Шаңғышыларды да қарқынды жарыс кестесі күтіп тұр. Скиатлонда Наиль Башмаков, Әмірғали Мұратбеков, Надежда Степашкина, Дарья Ряжко және Ксения Шалыгина бақ сынайды.
Спринтте Виталий Пухкало, Наиль Башмаков, Әмірғали Мұратбеков, Надежда Степашкина, Анна Мельник, Ксения Шалыгина және Дарья Ряжко жарыс жолына шығады. Аталған спортшылар жекелей сайысқа да қатысады. Командалық спринтте Виталий Пухкало, Әмірғали Мұратбеков, Надежда Степашкина және Дарья Ряжко ел намысын қорғайды.
Масс-стартта Виталий Пухкало, Әмірғали Мұратбеков, Наиль Башмаков, Надежда Степашкина, Анна Мельник және Ксения Шалыгина өнер көрсетеді. Сондай-ақ әйелдер құрамасы эстафеталық жарысқа қатысады. Мәнерлеп сырғанаудан қазақстандық спортшылар жекелей сынға тіркелген.
Шаңғымен тұғырдан секіруде ұлттық құрама орта және биік тұғырлардан секіретін болады. Ал шаңғы қоссайысында Шыңғыс Ракпаров орта тұғырдан секіру + 10 шақырымдық жарыс, сондай-ақ үлкен тұғырдан секіру + 10 шақырымдық жарыс дисциплиналарына қатысады.
Могулшылар жекелей және параллель могулда жүлделерге таласады. Фристайл-акробатика құрамасы жекелей сайыстан бөлек, аралас командалық жарыста да сынға түседі.
Шорт-тректен 500 метр қашықтықта Денис Никиша, Абзал Әжғалиев, Ольга Тихонова және Яна Хан өнер көрсетеді. Сонымен қатар Денис Никиша мен Ольга Тихонова 1000 метр қашықтықта да бақ сынайды.
Ал Ольга Тихонова мен Яна Хан 1500 метр қашықтықтағы сайысқа тіркелген. Сонымен бірге Қазақстан аралас эстафетаға (2 ер + 2 әйел) қатысады.
2026 жылғы Олимпиаданың салтанатты ашылуы 6 ақпанда өтеді. Қазақстанның Мемлекеттік туын Денис Никиша мен Аяулым Әмренова ұстап шығады.
Қазіргі таңда қазақстандық спортшылар Олимпиада ойындарына дайындықтың соңғы кезеңін өткізіп жатыр.
