«Барыс» ҚХЛ матчында ЦСКА-ны өз алаңында жеңді
Фото: Барыс
Астаналық «Барыс» Құрлықтық хоккей лигасының тұрақты чемпионаты аясында мәскеулік ЦСКА клубын өз алаңында жеңді, деп хабарлайды Pin-UpSport.kz. Кездесу елордалық команданың пайдасына 3:1 есебімен аяқталды.
Ойын басталар алдында командалардың турнирлік жағдайы әртүрлі болды. «Барыс» Шығыс конференциясында оныншы орында тұрса, ЦСКА Батыс конференциясының үздік алты командасының қатарына кірді. Матч 17 қаңтарда өтіп, Қазақстан уақытымен 17:00-де басталды. Астаналық клубтың бас бапкері Михаил Кравец құрамды теңгерімді таңдауға тырысып, қорғаныс пен шабуыл арасындағы үйлесімділікке мән берді.
Бірінші кезеңде алаң иелері есеп ашты. Ойынның 13-минутында Тайс Томпсон сәтті шабуылды дәл соққымен аяқтап, «Барысты» алға шығарды. Екінші кезеңде қос команда да сақ ойнап, таблодағы есеп өзгеріссіз қалды. Негізгі шешуші сәттер үшінші кезеңге қалдырылды.
Қорытынды кезеңде «Барыс» басымдығын арттыра алды. 53:24 минутта Майкл Веккьоне көпшілік жағдайда шайба соғып, есепті 2:0-ге жеткізді. Көп ұзамай ЦСКА бір шайбамен жауап қатты, алайда матчтың соңғы сөзін тағы да Веккьоне айтты. Ол бос қақпаға шайба енгізіп, кездесудің түпкілікті нәтижесін бекітті. Келесі ойында «Барыс» 20 қаңтарда сырт алаңда тольяттилік «Ладамен» кездеседі.
Айбар Рысдаулет
Килиан Мбаппе Испания чемпионатында жаңа мергендік рекорд орнатты
Ислам Чесноков дебют жасаған матчта «Хартс» Кубок Шотландиясынан шығып қалды