Фаниль Рафиков Fight Nights Гран-приін сенімді жеңіспен бастады
Фаниль Рафиков. Фото: sportplustv.kz
Қазақстандық аралас жекпе-жек шебері Фаниль Рафиков Fight Nights лигасының жеңіл салмақтағы жұлдызды Гран-при турнирін сәтті бастап, Мәскеуде өткен жарыста маңызды жеңіске жетті, деп хабарлайды Pin-UpSport.kz. Ширек финал кезеңінде ол PFL Гран-приінің екі дүркін жеңімпазы, тәжірибелі америкалық файтер Рэй Купермен кездесіп, келесі айналымға жолдама алды.
Бұл жекпе-жек Рафикоф үшін айрықша маңызға ие болды. Қазақстандық спортшы соңғы 14 ай бойы ММА ережелері бойынша октагонға шықпаған еді, ал мұндай деңгейдегі турнирдегі камбэк оның дайындығының нақты көрсеткіші ретінде бағаланды. Сонымен қатар қарсыласы халықаралық ареналарда мол тәжірибесі бар, жоғары деңгейде өзін дәлелдеген спортшы саналады. Соған қарамастан, Фаниль Рафиков пен оның командасы Гран-приге дайындықтың жүйелі түрде жүргізілгенін бірнеше рет атап өткен болатын.
Үш раундқа жоспарланған жекпе-жек толық қашықтыққа созылды. Алғашқы раундта-ақ Рафиков қарсыласын дәл соққымен нокдаунға түсіріп, мерзімінен бұрын жеңіске жақын болды. Алайда Рэй Купер өзіне келіп, кездесуді жалғастырып, жекпе-жекке тартысты сипат берді. Дегенмен, қалған раундтарда қазақстандық спортшы жекпе-жек барысын жақсы бақылап, тактикалық тұрғыда сауатты әрекет етті. Нәтижесінде төрешілердің барлығы жеңісті Фаниль Рафикофқа беріп, есеп 30:27 болып тіркелді.
Бұл жеңіс 32 жастағы Рафикофтың қатарынан бесінші табысты жекпе-жегі болып, оны Fight Nights Гран-приінің жартылай финалына шығарды. Келесі кезеңде ол ресейлік Андрей Гончаровпен кездеседі. Бұл қарсыластар бұған дейін 2019 жылы АСА лигасында жолығып, сол кезде Рафикоф техникалық нокаутпен жеңілген болатын. Жартылай финалдағы қарымта жекпе-жек 2026 жылдың сәуір айында Ресейдің Ростов-на-Дону қаласында өтеді. Бұл кездесуде Фаниль Рафиков үшін тек финал жолдамасы ғана емес, өткен жеңілістің есесін қайтару мүмкіндігі де тұр.
Айбар Рысдаулет
Тони Фергюсон Misfits Boxing чемпионы атанды
«Қызылжар» орталық шепті күшейтпек: клуб Исламбек Қуатқа қызығушылық танытуда