Алмабаев пен Морено: қазақстандық үшін мансабындағы ең үлкен сынақ
Фото: Zuffa LLC
UFC-дің найлегчай салмақтағы қазақстандық өкілі Асу Алмабаев келесі жекпе-жегін 1 наурыз күні Мехикода өтетін UFC Fight Night 269 турнирінде өткізеді, деп хабарлайды Pin-UpSport.kz. Оның қарсыласы бұрынғы әлем чемпионы саналатын Брэндон Морено болады.
Алмабаев қазіргі таңда UFC рейтингінде жетінші орында тұр. Ал Морено төртішінші сатыда және дивизиондағы ең тәжірибелі әрі танымал спортшылардың бірі саналады. Бұл жекпе-жек екі жақ үшін де маңызды: Алмабаевқа титулдық мүмкіндіктерге жақындай түсуге жол ашуы мүмкін, ал Морено үшін бұл соңғы кездегі Тацуро Тайрадан жеңілгеннен кейін қайта қалпына келу мүмкіндігі.
Асу Алмабаев соңғы кездесуінде америкалық Алекс Пересті үшінші раундта сабмишн арқылы жеңіп, өзінің жоғары дайындық деңгейін көрсетті. Ал Морено алдыңғы жекпе-жегінде екінші раундта мерзімінен бұрын жеңілді. Сондықтан Мехикодағы кездесу екі спортшы үшін де маңызға ие болып отыр.
UFC Fight Night 269 турниріндегі Алмабаев пен Морено арасындағы жекпе-жек кештің негізгі оқиғаларының бірі болмақ. Бұл кездесу найлегчай салмақтағы рейтингтің болашақ құрылымына әсер етуі мүмкін және алдағы титулдық жекпе-жекке басты үміткерді анықтай алады.
Айбар Рысдаулет
Сәкен Бибосынов әлем чемпионатының финалына жолдама алды
Қазақстан боксшысы әлем чемпионатының финалына шықты