«Қайрат» пен «Семей» футзалдан УЕФА Чемпиондар лигасының плей-офф кезеңіне шықты
«Семей»
Қазақстандық «Қайрат» пен «Семей» футзалдан УЕФА Чемпиондар лигасының негізгі кезеңін сәтті аяқтап, плей-офф кезеңіне жолдама алды, деп хабарлайды Pin-UpSport.kz.
Алматылық «Қайрат» А4 тобында Португалияның «Спортингімен», Косовоның «Приштинасымен» және Хорватияның «Ново Вриеме» клубтарымен бірге ойнады. Даниэль Жуниордың шәкірттері «Ново Вриемені» (3:2) және «Приштинаны» (4:1) жеңіп, тек «Спортингтен» (2:7) ұтылды. Алты ұпай жинаған алматылықтар топта екінші орын алып, 1/8 финалға екінші себеттен қатысады.
Ал «Семей» А2 тобында Испанияның қазіргі чемпионы «Пальмамен», Францияның «Этуалімен» және Чехияның «Хрудимімен» бақ сынады. Команда үш ұпай жинап, «Хрудимді» (9:5) жеңіп, «Этуальге» (3:4) және «Пальмаға» (4:7) есе жіберді. Осы нәтижемен семейліктер топта үшінші орын алып, плей-офф кезеңіне өтті.
Негізгі кезеңнің A жолында әр топтан үш үздік команда келесі айналымға шығады. 1/8 финалдың жеребесі желтоқсанда өтеді, ал плей-офф ойындары 2026 жылдың көктемінде ұйымдастырылады.
Айбар Рысдаулет
«Қайрат» «Приштинаны» ойсырата жеңіп, футзалдан Чемпиондар лигасының плей-офф кезеңіне шықты
Стив Гарсия UFC Fight Night 263 турнирінің басты жекпе-жегінде Дэвид Онаманы нокаутқа түсірді