Айым Серікбаева Бахрейндегі жасөспірімдер Азия ойындарында Қазақстанға екінші алтын әкелді
Қазақстандық таеквондошы Айым Серікбаева Манама қаласында (Бахрейн) өтіп жатқан жасөспірімдер Азия ойындарында алтын медаль жеңіп алды, деп хабарлайды Pin-UpSport.kz. Ол 44 келіге дейінгі салмақ дәрежесінде чемпион атанды.
Финалда Серікбаева вьетнамдық Хуэн Хоанмен кездесіп, 2:0 есебімен айқын басымдық танытты. Бұл жеңіс оның жеке мансабындағы маңызды жетістік қана емес, Қазақстан құрамасының қоржынына түскен екінші алтын медаль болды.
Бұған дейін еліміздің тасжолдағы велоспорт командасы аралас эстафетада топ жарып, Қазақстанға алғашқы алтынды сыйлаған еді.
Осылайша, қазақстандық спортшылар Бахрейндегі Азия ойындарында табысты өнер көрсетіп, ел намысын абыроймен қорғап келеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
