Жұман Жұмабеков қырғыз файтерімен реваншқа өз шартын қойды
sportnews.kz
Қазақстандық файтер Жұман Жұмабеков Naiza.tv арнасында қырғызстандық Айжігіт Еркебайұлының шақыруына жауап берді. Оның айтуынша, реванш өткізуге қарсы емес, бірақ тек өз шарттарымен ғана келіседі.
«Егер Айжігіт шын ниетпен жекпе-жек өткізгісі келсе, мен оған өз талабымды айттым — салмақ 65 келі. Ол “сен Расул Мирзаевпен 70 келіде шықтың” дейді. Бірақ Расул басқа, Айжігіт басқа. Расулға құрмет ретінде келіскен едім, себебі ол лайық. Ал Айжігітке ондай жеңілдік жоқ», — деді Жұмабеков.
Ол алғашқы жекпе-жекте жеңілгенімен, өзі реванш сұрап отырған жоқ екенін атап өтті.
«Мен Nomad лигасында 6-0 көрсеткішпен бұрынғы чемпионмын. Сондықтан егер бұл жекпе-жекті өткізгілерің келсе — менің талабыммен ғана болады», — деп түйіндеді.
Айжігіт Еркебайұлы да қарап қалмай, сторис арқылы Жұманды 9 мамырда Nomad турнирінде реваншқа шақырды. Айта кетейік, алғашқы жекпе-жек Naiza ұйымы аясында өткен еді, онда Жұман нокаутпен жеңілген болатын.
Айбар Рысдаулет
Балуандар бәсекесі: Қазақстан еркін күрестен Азияның үздік үштігіне енді
Даулет Орынбасар ЦСКА-ға ауысуы мүмкін