Жас жұлдыз Ямаль әлемнің ең қымбат футболшысы атанды
Фото: Getty Images
«Барселона» мен Испания құрамасының 17 жастағы жартылай қорғаушысы Ламин Ямаль CIES ұйымының нұсқасы бойынша әлемдегі ең қымбат футболшы атанды. Оның трансферлік құны 402,3 миллион еуро деп бағаланған.
Бұл көрсеткішке оның жуырда клубпен 2031 жылға дейін келісімшартты ұзартқаны себеп болды. Жаңа шарт бойынша, Ямаль салық ұстап қалғаннан кейін жылына 8 миллион еуро табыс табады. Сондай-ақ әртүрлі бонустардың сомасы 20 миллионға дейін жетуі мүмкін.
Екінші орында — «Манчестер Сити» шабуылшысы Эрлинг Холанд. Оның құны 239,6 миллион еуроға бағаланған. Үздік үштікті 233,8 миллион еуромен мадридтік «Реалдың» ойыншысы Джуд Беллингем түйіндеді.
Төртінші сатыда — Килиан Мбаппе (192,5 млн), ал бесінші орынды мюнхендік «Баварияның» футболшысы Джамал Мусиала (154,8 млн) иеленіп отыр.
Айбар Рысдаулет
Астанада арбадағы теннистен алғашқы ITF Futures Series турнирі мәресіне жетті
«Астана» УЕФА-дан миллиондаған табыс тапты