Жәнібек Әлімханұлы Кроуфордтың жекпе-жек жайлы меңзеуіне жауап берді
Фото: Личный архив
Орта салмақтағы WBO және IBF нұсқалары бойынша әлем чемпионы Жәнібек Әлімханұлы бірінші орта салмақтағы абсолют чемпион Теренс Кроуфордтың жазбасына пікір білдірді, деп хабарлайды Pin-UpSport.kz.
Америкалық боксшы Instagram желісінде Боготада өткен WBO конвенциясынан бейнежазба жариялады. Көріністе Кроуфорд пен Әлімханұлы бейнеленген жарнама байқалып, бұл жанкүйерлер арасында қызу талқылауға себеп болды. Көпшілік мұны 2026 жылы өтуі мүмкін чемпиондар арасындағы жекпе-жекке меңзеу деп бағалады.
Қазақ спортшысы бұл видеоға қысқа ғана пікір қалдырып, X (бұрынғы Twitter) желісінде «Еш қиындық жоқ» деп жазды. Осылайша ол америкалық қарсыласымен жұдырықтасуға дайын екенін аңғартты. Ал желтоқсан айында Әлімханұлы орта салмақтағы WBA чемпионы Эрисланди Ларамен белбеулерді біріктіру жекпе-жегін өткізетіні хабарланған.
Егер ол кездесуде жеңіске жетсе, Әлімханұлына WBC белбеуін иелену ғана қалады. Қазіргі таңда бұл атақ Карлос Адамеске тиесілі. Осылайша қазақстандық боксшы абсолют чемпиондыққа бір қадам жақындай түседі. Бұған қоса, Деонтей Уайлдердің бұрынғы бапкері де оның Кроуфордқа лайық қарсылас бола алатынын атап өтті.
Айбар Рысдаулет
Абу-Дабидегі Grand Slam турниріне Қазақстан құрамасы толық құраммен барады
Александр Бублик Париждегі «Мастерс» турнирінің ширек финалына шықты