Закир Найманбаев Power Slap лигасында үшінші жеңісіне жетті
Фото с открытых источников
Семей қаласының спортшысы Закир Найманбаев Power Slap спорттық шапалақ лигасында үшінші жеңісін тіркеді, деп хабарлайды Pin-UpSport.kz. Лас-Вегаста өткен Power Slap 18 турнирінде қазақстандық спортшы америкалық Уэс Менаға қарсы шығып, төрешілердің бірауыздан қабылдаған шешімімен жеңіске жетті.
Найманбаевтың қарсыласы Уэс Мена ауыр салмақ дәрежесінде рейтингте үшінші орында тұрған спортшы болатын. Америкалық файтердің көрсеткіші төрт жеңіс және үш жеңілістен тұрған. Екі спортшы арасындағы кездесу толық үш раундқа созылып, нәтижесі төрешілердің шешімі арқылы анықталды.
Жекпе-жектің қорытындысы бойынша төрешілердің барлығы жеңісті қазақстандық спортшыға берді. Төрешілердің бағалау парақтарында 30:26, 30:26 және 29:27 есебі тіркелді. Осылайша Закир Найманбаев толық өткен жекпе-жекте сенімді жеңіске жетіп, лигадағы нәтижесін жақсартты.
Бұл жеңістен кейін қазақстандық спортшының Power Slap лигасындағы көрсеткіші үш жеңіс және екі жеңіліске жетті. Ауыр салмақ дәрежесінің рейтингінде ол алтыншы орында тұр. Power Slap лигасына дейін Закир Найманбаев дене шынықтыру пәнінің мұғалімі болып жұмыс істеген, пауэрлифтингтен Азия чемпионы атанған және блогер Амиран Сардаров ұйымдастырған «Битва пощечин» жобасына қатысқан.
Айбар Рысдаулет
«Реал» Юрген Клоппты болашақ бас бапкер ретінде қарастыруы мүмкін
Милад Карими Бакудегі әлем кубогы кезеңінде күміс медаль жеңіп алды