Винисиус кетсе, «Реал» Холландқа қол созуы мүмкін
Эрлинг Холанд. Фото: Getty Images
Мадридтік «Реал» шабуыл шебін күшейту мақсатында «Манчестер Сити» жұлдызы Эрлинг Холландты басты трансферлік мақсат ретінде қарастырып отыр. Бұл жөнінде The Athletic басылымы хабарлады.
Соңғы уақытта Винисиус Жуниордың клубтан кетуі мүмкін деген әңгімелер қызу талқылануда. Бразилиялық ойыншыға Сауд Арабиясынан қызығушылық бар екені айтылып жүр, ал оның агенттері «Реалмен» жаңа келісімшартқа қол қойғанын растаған жоқ. Осы белгісіздік жағдайында «Реал» шабуыл шебіне жаңа нұсқаларды қарастыруға кіріскен.
Дереккөздің мәліметінше, клуб президенті Флорентино Перес Холландқа бұрыннан қызығушылық танытып келеді. Ол норвегиялық шабуылшының талантын жоғары бағалайды. Холланд жуырда «Ман Ситимен» келісімшартын 2034 жылға дейін ұзартқанымен, Винисиус кететін болса, «Реал» бұл трансферді жүзеге асыруға талпыныс жасауы мүмкін.
Айбар Рысдаулет
Канело 20 жылдық мансабын жаңа шыңмен жалғастырмақ
«Барселона» тарихи финалда «Реалды» жеңіп, Испания кубогын иеленді