Виктория Графеева әлем Кубогының финалисі атанды
Қазақстан құрамасының боксшысы Виктория Графеева Астанадағы Әлем кубогы кезеңінде 60 келіге дейінгі салмақта финалға шықты, деп хабарлайды Pin-UpSport.kz.
Ол жартылай финалда үндістандық Санжуды жеңіп, сенімді өнер көрсетті. Қарсыласы екінші және үшінші раундтарда екі рет нокдаунға түсті.
Графеева осылайша Қазақстан сапынан финалға шыққан спортшылардың қатарын толықтырды. Бұған дейін Нұрбек Оралбай (80 келіге дейін), Назым Қызайбай (48 келіге дейін) және Елдана Талипова (80 келіден жоғары) финалға жолдама алған болатын.
Финалдық айқастарда барлығы алтын жүлде үшін жұдырықтасады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
