UFC Асу Алмабаевтың салмағында Джошуа Ван мен Тацуро Таира арасындағы титулдық жекпе-жекті жариялады
UFC-дің аса жеңіл салмақ дәрежесінде чемпион Джошуа Ван мен жапониялық үміткер Тацуро Таира арасындағы титулдық жекпе-жек ресми түрде жарияланды, деп хабарлайды Pin-UpSport.kz. Бұл айқас чемпион үшін белбеуді алғашқы қорғау болмақ.
Жекпе-жек турнирдің қосалқы басты оқиғасы мәртебесінде өтеді. Қазақстан уақыты бойынша кездесу 12 сәуірге қараған түні ұйымдастырылады. Америкалық, мьянмалық тамыры бар Джошуа Ванға қарсы кәсіби рекорды 18 жеңіс және бір жеңілістен тұратын Тацуро Таира шығады.
Джошуа Ван чемпиондық атақты желтоқсан айында Алешандре Пантожаны мерзімінен бұрын жеңіп алған еді. Сол жекпе-жекте бразилиялық спортшы титул иегері болған. Кездесу бірінші раундтың 26-секундында Пантожаның тейкдаун кезінде қолын жарақаттап алуына байланысты тоқтатылды.
Аса жеңіл салмақта UFC аясында Қазақстан өкілі Асу Алмабаев та өнер көрсетеді. Ол дивизион рейтингінде сегізінші орында тұр. Қазіргі уақытта қазақстандық файтер қол сүйегінің сынуына байланысты оңалтудан өтуде, сол себепті 1 наурызға жоспарланған Алекс Переспен жекпе-жек өткізілмей қалды.
Айбар Рысдаулет
Қарағандыда «Шахтер» стадионы жаңғыртылып жатыр
Үш қазақстандық гимнаст Германиядағы Әлем кубогы кезеңінің финалына өтті