«Тоттенхэм» Родригоны Сонның орнына алуды көздеп отыр
Фото: ISI Photos via Getty Images
Сон Хын Минмен қоштасқаннан кейін лондондық «Тоттенхэм» шабуыл шебін күшейту мақсатында «Реал Мадридтің» вингері Родриго Гоэске назар аудара бастады, деп хабарлайды Pin-UpSport.kz.
Оңтүстіккореялық ойыншымен келісімшарт аяқталғаннан кейін клуб жылына 11 миллион еуродан астам қаржыны үнемдейді. Бұл қаражат бразилиялық футболшының трансферіне бағытталуы мүмкін. Родриго сол жақ қанатта ойнағанды ұнатады және дәл осы жерде өзін сенімді сезінеді.
Өткен маусымда Родриго «Реал» сапында 54 матч өткізіп, 14 гол соғып, 11 нәтижелі пас берді. Ол мадридтік клубпен 2028 жылға дейін келісімшартқа отырған. Transfermarkt дерегі бойынша, оның нарықтағы құны — 90 миллион еуро.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
