«Астана» мен «Қайрат» – Еурокубоктағы көрермен саны бойынша көшбасшылар қатарында
Болельщики «Кайрата». Иллюстративное фото: Getty Images
Еурокубоктардың іріктеу кезеңдерінде қазақстандық клубтар жанкүйерлер саны бойынша үздіктердің қатарына енді, деп хабарлайды Pin-UpSport.kz.
Football Meets Data ресурсының мәліметінше, «Астана» мен «Зимбру» арасындағы матчты елордалық стадионда 23 524 адам тамашалаған. Бұл – маусымдағы ең көп көрермен жинаған төртінші ойын. «Қайрат» та жақсы нәтиже көрсетті: «Олимпиямен» өткен кездесуге 22 800 жанкүйер жиналды. Бұл көрсеткіш рейтингтің алтыншы сатысында.
Шымкенттік «Ордабасы» да топ-15 қатарына кірді. «Торпедо Кутаисиге» қарсы ойынды 17 200 адам стадионнан тамашалады — бұл 13-орын.
Ал ең көп жанкүйер жинаған ойын Глазгода өтті: «Рейнджерс» пен «Панатинаикос» матчына 49 548 адам келген. Сондай-ақ үздік үштікке «Бешикташ» — «Шахтёр» (31 739) және «Лех» — «Брейдаблик» (24 859) кездесулері енді. Осы уақытта «Астана» мен «Қайрат» топтық кезеңге шығу үшін күресті жалғастырып жатыр.
