Тоқаев Ливерпульдегі әлем чемпионатын тарихи жеңіс деп атады
Қазақстан Президенті Қасым-Жомарт Тоқаев Ливерпульде өткен бокстан әлем чемпионатында топ жарған ұлттық құрамаға құттықтау жолдады, деп хабарлайды Pin-UpSport.kz. Мемлекет басшысы бұл жеңісті ел тарихындағы айтулы оқиға деп атап, оған Туризм және спорт министрлігі, Ұлттық Олимпиада комитеті мен Қазақстан бокс федерациясының зор үлес қосқанын жеткізді.
Тоқаев Геннадий Головкиннің боксты Олимпиада бағдарламасына қайтарудағы еңбегін атап өтіп, спортшылардың жеңістері елдің абыройын асқақтататынын және жастарды жігерлендіретінін айтты. «Әр жеңіс – ұлттың мәртебесі. Мемлекет сіздерді әрқашан қолдайды», – деді Президент.
Мемлекет басшысы Қазақстанның 68 мемлекеттің ішінде бірінші орынға шыққанын, жеті мәрте Әнұран шырқалып, көк ту көтерілгенін ерекше атап өтті. Ол Санжар Ташкенбайды, Махмұд пен Торехан Сабырхандарды, Айбек Оралбайды, Алуа Балкибекованы, Аида Әбікейеваны, Наталья Богданованы, Назым Қызайбайды, Виктория Графееваны және Елдана Тәліповті ерекше үлестері үшін атап өтті.
Соңында Президент спортшылар мен бапкерлерге мемлекеттік наградалар мен өзінің Алғысын табыстады. Еске салсақ, қазақстандық боксшылар Ливерпульде жеті алтын, бір күміс және екі қола медаль жеңіп алды.
