Төрт қола қоржында: Қазақстан боксшылары Әлем кубогында жүлде жолын жалғастыруда
Фото: НОК РК
Астанада өтіп жатқан бокстан Әлем кубогының кезеңінде Қазақстан құрамасының қоржынына төрт қола медаль түсті, деп хабарлайды Pin-UpSport.kz.
Жартылай финалда Айдана Забынбекова, Аида Абикеева, Ертуған Зейноллин және Сығындық Тоғамбай тоқтап, үшінші орын иеленді.
57 келіге дейінгі салмақта өнер көрсеткен Айдана Забынбекова ширек финалда қарсыласының турнирден бас тартуына байланысты бірден жартылай финалға өткен еді. Алайда финал жолдамасы үшін өткен кездесуде ол үндістандық Жайсмине қарсыласына есе жіберіп, жарысты қола медальмен аяқтады.
65 келі салмақта жұдырықтасқан Аида Абикеева жартылай финалда Олимпиада чемпионы, үш дүркін әлем чемпионы Бусеназ Сурменелиге қарсы шықты. Түркиялық боксшы алғашқы секундтардан бастап басымдық танытып, Аидаға мүмкіндік бермей, финалға жолдама алды.
Ертуған Зейноллин де (65 келіге дейін) жартылай финалда үндістандық Абхинаш Джамвалмен қолғап түйістірді. Үш раундқа созылған кездесуде қарсыласы ұпай санымен жеңіске жетіп, Ертуған қола медальмен шектелді.
Сығындық Тоғамбай (90 келіге дейін) өзінің жекпе-жегін бір күн бұрын өткізіп, жартылай финалда жеңіліп қалған болатын. Ол да үшінші орын алып, ел қоржынына алғашқы жүлделердің бірін салды.
