Тер Штеген «Барселонадан» кетіп, «Интерге» ауысуы мүмкін
Фото: NurPhoto via Getty Images
«Барселона» қақпашысы Марк-Андре тер Штеген жазғы трансферлік кезеңде командадан кетуі ықтимал, деп хабарлайды Pin-UpSport.kz.
Оған қызығушылық танытып отырған клуб — миландық «Интер».
Ақпарат көздерінің мәліметінше, каталондық клуб жалақы қорын азайту мақсатында неміс қақпашысымен ақысыз қоштасуға дайын. Бұған дейін тер Штегенге «Галатасарай» мен «Монако» да көз тіккен, бірақ футболшының өзі кетуге аса ықылас танытпаған.
Алайда 36 жасқа толғалы отырған Ян Зоммердің орнына қақпашы іздеп жатқан «Интердің» қызығушылығы жағдайды өзгертуі мүмкін. Италиялық клубқа ауысу — тер Штеген үшін Еуропаның жоғарғы деңгейінде ойнауды жалғастыруға мүмкіндік.
Қақпашының болашағы келесі аптада басталатын «Барселонаның» маусым алдындағы дайындық жиындарынан кейін нақтыланбақ. Сол кезде тараптар түпкілікті шешім қабылдайды.
