Станислав Черчесов «Ахмат» клубына қайта оралады
Фото: Getty Images
Станислав Черчесов пен грозныйлық «Ахмат» клубы үш жылдық келісімшартқа келісті. Бұл туралы клубтың бас директоры Ахмед Айдамиров мәлімдеді, деп хабарлайды Pin-UpSport.kz.
Бұған дейін команда төрт матч қатарынан жеңіліп, бас бапкер Александр Сторожук қызметінен кеткен болатын. Жаңа маусымдағы сәтсіз бастамадан кейін клуб басшылығы дереу Черчесовпен келіссөз бастаған.
Айта кетейік, ресейлік маман бұған дейін 2011–2013 жылдары «Терек» (қазіргі «Ахмат») клубын жаттықтырып, 2012/13 жылғы маусымда команда тарихындағы ең жоғары – сегізінші орынды иеленген.
Черчесовтің соңғы жұмыс орны – Қазақстан құрамасы болды. Алайда 2024 жылдың жазында тағайындалған бапкер 2025 жылдың қаңтарында қызметінен кетті. Ұлттар лигасының топтық кезеңінде Қазақстан алты ойында бес рет жеңіліп, бірде-бір гол соқпады. Жалпы доп айырмасы – 0:15. Соңғы матчта Норвегиядан 0:5 есебімен жеңілді.
