Станимир Стоилов Қазақстан құрамасына оралмайды
58 жастағы болгариялық бапкер Станимир Стоилов Қазақстан құрамасына қайта келмейтінін мәлімдеді, деп хабарлайды Pin-UpSport.kz.
БАҚ дерегінше, Федерация оның кандидатурасына қызығушылық танытқан, алайда маман Түркияның «Гезтепе» клубында жұмысын жалғастырмақ.
Измир ұжымы жаңа маусымда Суперлигада сәтті бастады: алты турда жеңіліссіз келе жатыр, оның ішінде «Бешикташты» 3:0 есебімен ұтты. «Қызығушылық білдіргендерге рақмет, бірақ Стоилов мырзаның қолданыстағы келісімшарты бар», – деді агент Элиас Элиа.
Еске салсақ, Стоилов 2018 жылдың наурызынан 2019 жылдың қаңтарына дейін Қазақстан құрамасын жаттықтырды. Тоғыз кездесуде үш рет жеңіп, үш рет ұтылып, үш ойында тең түсті. Сонымен қатар, ол «Астанамен» бес мәрте трофей жеңіп алып, клубты алғаш рет Чемпиондар лигасының топтық кезеңіне шығарды.
