«Семей» Чемпиондар лигасының 1/8 финалының алғашқы матчында «Пяст» клубымен тең түсті
«Семей»
Қазақстандық «Семей» футзал командасы Чемпиондар лигасының 1/8 финалындағы алғашқы ойында Польшаның «Пяст» клубымен өз алаңында тең нәтиже көрсетті, деп хабарлайды Pin-UpSport.kz. Семейде өткен матч 3:3 есебімен аяқталды.
Айта кетейік, биылғы маусымда 1/8 финал кезеңінде 16 команда бақ сынап, сегіз жұпқа бөлініп екі матчтан өткізеді. Алғашқы ойындар 24 қарашада өтсе, қарымта кездесулер 5 желтоқсанға жоспарланған. Екі ойынның қорытындысы бойынша жеңімпаздар ширек финалға жолдама алады. Бұл кезең 23 ақпан мен 6 наурыз аралығында өтеді.
Ойын барысында «Семей» командасы матчтың көп бөлігінде басымдық көрсетті және 35-минутта есепті 3:0-ге жеткізді. Төртінші минутта Дедезиньо Родригиньоның пасын голға айналдырып, есепті ашты. Екінші таймның басында Камиль Герейханов Марселоның ассын тиімді пайдаланды. 35-минутта Дедезиньо дубль авторы атанды. Алайда қарсылас команда 32 секунд ішінде Винисиус Тейшейраның екі голымен есепті қысқартты, ал ойынның аяқталуына үш секунд қалғанда Мартинс Граца таразы басын теңестірді.
Қарсыластар енді шешуші матчты Польшаның Гливице қаласында 5 желтоқсанда өткізеді. Осы жұптың жеңімпазы ширек финалға шығып, 8 және 10 мамырда өтетін финалдық кезеңге жолдама алу үшін күресті жалғастырады.
Айбар Рысдаулет
Ангелина Лукас келесі жекпе-жек туралы хабарлады
«Қайрат» Чемпиондар лигасының 1/8 финалының алғашқы матчында «Спортинг-Андерлехтті» ірі есеппен жеңді