Самородов «Ахматтан» кетпейді
Максим Самородов
Қазақстан құрамасының шабуылшысы әрі Грозныйдағы «Ахмат» клубының ойыншысы Максим Самородов Ресейдің алдыңғы қатарлы клубтарына ауысуға әлі асығар емес, деп жазады Olimpbet Arena.
Бұған дейін басылымдарда 22 жастағы футболшыға «Спартак», «Динамо» және «Краснодар» сынды командалар қызығушылық танытып жатқаны айтылған. Бірақ Самородовтың өзі алдымен «Ахматты» Ресей Премьер-лигасында ұстап қалуды мақсат етіп отыр.
Қазір «Ахмат» 21 турдан кейін 16 команданың ішінде 14-орында тұр. Сонымен қатар, команданың тағы бір көшбасшысы — Лечи Садулаевтың «Зенитке» ауысу ықтималдығы Самородовтың да кету мүмкіндігін күрделендіруі мүмкін. Екі негізгі ойыншыдан айырылу командаға оңай соқпайды.
Осы маусымда «Ақтөбе» мектебінің түлегі 22 ойынға қатысып, 5 гол соқты және 2 нәтижелі пас берді. Ол – «Ахматтың» шабуылдағы басты үміттерінің бірі.
Айбар Рысдаулет
Роналду рекорд орнатып, Гиннестен арнайы марапат алды
Қазақстан мен Беларусь құрамалары Минскіде жолдастық матч өткізеді