Самат Смақовтың ұлы Түркияда ойнайды
Аламгир Смаков. Фото: kff.kz
Қазақстан футболының аңызы Самат Смақовтың ұлы, 16 жастағы жартылай қорғаушы Аламгир Смақов Түркияның атақты «Бешикташ» клубының академиясына қабылданды. Бұл туралы dop телеграм арнасы хабарлады.
Бұған дейін Аламгир «Қайрат» жүйесінде жаттыққан. Түркиялық скауттар жас ойыншының әлеуетін жоғары бағалап, оны «қарақұстар» академиясына шақырды.
Айта кетерлігі, «Бешикташтың» негізгі құрамында қазір Бақтияр Зайнутдинов ойнап жүр. Оның болуы Аламгирдің жаңа ортаға тез бейімделуіне сеп болуы мүмкін.
Аламгир Смақов U-17 жасөспірімдер құрамасы сапында 11 матч өткізіп үлгерген. Ол өз буынының ең үміт күттіретін ойыншыларының бірі саналады.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
