Рыбакина рейтингтегі орнын сақтады, Путинцева үздік отыздықтан тыс қалды
Фото: Getty Images
Қазақстанның бірінші ракеткасы Елена Рыбакина WTA рейтингінде 11-орнын сақтап қалды, деп хабарлайды Pin-Upsport.kz.
Ол Берлиндегі WTA 500 санатындағы турнирдің ширек финалына дейін жетіп, әлемдік рейтинг көшбасшысы Арина Соболенкоға жол берді.
Юлия Путинцева жеті сатыға төмендеп, 34-орынға жайғасты. Ал Зарина Дияс бір сатыға көтеріліп, 274-орынға шықты. Жібек Құламбаева да екі саты алға жылжып, 306-орында тұр.
Жекелей сындағы үздік үштік өзгеріссіз қалды: бірінші орында – Беларусь спортшысы Арина Соболенко, екінші мен үшінші орындарда америкалықтар Кори Гауфф пен Джессика Пегула.
Жұптық сында Қазақстанның үздік теннисшісі Анна Данилина тоғызыншы орнын сақтап қалды. Бұл санаттағы алғашқы үштік те бұрынғыша: Катерина Синякова (Чехия), Тейлор Таунсенд (АҚШ) және Эрин Рутлифф (Жаңа Зеландия).
