Рыбакина барлық «Үлкен дулыға» турнирінің 1/8 финалына шыққан тұңғыш қазақстандық теннисші атанды
Фото: Getty Images
2022 жылғы Уимблдон чемпионы Елена Рыбакина АҚШ ашық чемпионатының төртінші кезеңіне жолдама алды, деп хабарлайды Pin-UpSport.kz.
Үшінші айналымда ол 2021 жылғы US Open жеңімпазы, Ұлыбритания өкілі Эмма Радукануды (WTA рейтингі – 36) 6:1, 6:2 есебімен ұтты.
Келесі кезеңде қазақстандық теннисші Чехия спортшысы Маркета Вондроушовамен күш сынасады.
Осылайша Рыбакина Қазақстан атынан «Үлкен дулыға» турнирлерінің барлығында жеке сында 1/8 финалға шыққан алғашқы теннисші атанды. Оның ең ірі жетістіктері: 2023 жылғы Australian Open финалы, 2021 және 2024 жылдардағы «Ролан Гаррос» ширек финалы және 2022 жылғы Уимблдон жеңісі.
Ойыннан кейін Елена әсерімен бөлісті:
«Эмма мықты қарсылас, кейде есеп шын мәніндегі күресті көрсетпейді. Бүгінгі ойынымды жақсы бағалаймын. Бұл – менің US Open жарысындағы алғашқы 1/8 финалым. Енді барымды салып, мүмкіндігінше әрі қарай өткім келеді».
