Роналду тарихи рекорд орнатып, Өзбекстан қақпасына екі гол соқты
Португалия құрамасы ӘЧ-2026 топтық кезеңінің екінші турында Өзбекстанды ірі есеппен жеңді, деп хабарлайды Pin-UpSport.kz. K тобындағы кездесу 5:0 есебімен аяқталды. Матчтың басты кейіпкері Криштиану Роналду болып, дубль авторы атанып қана қоймай, тарихи жетістікке қол жеткізді.
Бұл ойын 41 жастағы шабуылшы үшін ерекше болды. Роналду әлем чемпионаттарының алты бірдей турнирінде гол соққан тарихтағы алғашқы футболшы атанды. Сонымен қатар ол әлем чемпионаттарындағы гол санын онға жеткізіп, Португалия құрамасының мундиальдардағы үздік сұрмергені атанды. Осы көрсеткіш бойынша ол аңызға айналған Эйсебиодан озып кетті.
Есеп ойынның алтыншы минутында ашылды. Алғашқы голды Роналду соқса, арада көп уақыт өтпей Нуну Мендеш есеп айырмасын ұлғайтты. Бірінші таймның ортасында Өзбекстан құрамасы қарсылас қақпасын дәл көздегенімен, бейнеқайталау нәтижесінде Аббосбек Файзуллаевтың ереже бұзғаны анықталып, гол есепке алынбады. Үзіліске дейін Роналду дубль жасап үлгерді. Екінші таймда Абдуқодир Хусанов өз қақпасына гол соқты, ал кездесудің соңғы нүктесін Рафаэл Леау қойды.
Екі турдан кейін Португалия құрамасы төрт ұпаймен K тобының көшін бастады. Өзбекстан құрамасы әзірге ұпай еншілей алмай, соңғы орында қалып отыр. Топтық кезеңнің соңғы турында португалиялықтар Колумбиямен кездессе, Өзбекстан ДР Конго құрамасына қарсы ойнайды.
