«Реалдың» бірде-бір ойыншысы Испания құрамасының ЧМ-2026 тізіміне енбеді
Фото: Europa Press via Getty Images
Мадридтік «Реалдың» бірде-бір футболшысы Испания құрамасының 2026 жылғы әлем чемпионатына арналған соңғы құрамына енген жоқ, деп хабарлайды Pin-UpSport.kz.
Ұлттық құраманың ресми тізімі 25 мамыр күні жарияланды. Осылайша «Реал» ойыншылары ұзақ жылдардан кейін алғаш рет Испания құрамасының әлем чемпионатындағы тізімінен тыс қалды.
Бұған дейін мадридтік клуб футболшылары Испания қатысқан барлық 16 әлем чемпионатында ұлттық құраманың сапында болған еді. Соңғы ұқсас жағдай Луис Энрике баптаған Еуро-2020 турнирінде тіркелген. Ал бұған дейін мұндай оқиға тек 1920 жылы Антверпен Олимпиадасында болған.
Испания құрамасының бас бапкері Луис де ла Фуэнте әлем чемпионатына 13 клубтан 26 футболшыны шақырды.
Ең көп өкіл «Барселонадан» енді. Тізімге Жоан Гарсия, Пау Кубарси, Эрик Гарсия, Гави, Педри, Даниэль Ольмо, Ферран Торрес және Ламин Ямаль кірді.
2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтеді. Испания құрамасы топтық кезеңде Сауд Арабиясы, Кабо-Верде және Уругвай құрамаларымен ойнайды.
