Рафаэль Уразбахтин «Кайратқа» айтылған сынға жауап берді
Алматылық «Кайрат» командасының бас бапкері Рафаэль Уразбахтин Еуропа лигасының плей-офф кезеңіндегі бельгиялық «Андерлехтке» қарсы алғашқы матч алдында командаға айтылған сынға пікір білдірді, деп хабарлайды Pin-UpSport.kz.
Алматылық клубтың бас бапкері команда жұмысына қатысты теріс пікірлердің себебін түсінбейтінін айтты. Уразбахтиннің сөзінше, соңғы жылдары «Кайрат» Қазақстан чемпионатында да, еурокубоктарда да жақсы нәтижелер көрсетті. Маман клубта жұмыс істеген уақыт ішінде команда екі рет Қазақстан чемпионы атанғанын атап өтті. Сонымен қатар өткен маусымда алматылықтар Чемпиондар лигасында өнер көрсетсе, биыл кем дегенде Конференция лигасының негізгі кезеңінде ойнауға мүмкіндік алды.
«Олардың неге сүйеніп айтып жатқанын білмеймін. Клубта жұмыс істеп жүрген уақыт ішінде біз екі рет Қазақстан чемпионы атандық. Өткен маусымда Чемпиондар лигасында ойнадық, ал биыл кем дегенде Конференция лигасында өнер көрсетеміз. Сондықтан мұндай сынға аса мән бермейміз. Қазақта «ит үреді, керуен көшеді» деген сөз бар», – деді Уразбахтин.
Қазіргі еурокубок маусымында «Кайрат» Чемпиондар лигасының үшінші іріктеу кезеңіне дейін жетіп, болгариялық «Левскиге» екі матчтың қорытындысы бойынша 0:2 есебімен жол берді. Енді алматылық команда Еуропа лигасының плей-офф кезеңінде жолын жалғастырады. «Андерлехтпен» алғашқы кездесу 20 тамызда Алматыдағы Орталық стадионда өтеді, ал қарымта матч 27 тамызда Брюссельде ұйымдастырылады. Егер «Кайрат» бельгиялық клубтан өте алмаса, еурокубоктағы маусымын Конференция лигасының негізгі кезеңінде жалғастырады.
