Қазақстандық жүзушілер Афинада сегіз медаль жеңіп алды
Адильбек Мусин. Фото: olympic.kz
Қазақстан құрамасы Грекияның Афина қаласында өткен халықаралық жарыста сегіз медаль еншіледі. Жүзушілер түрлі қашықтықтарда жақсы нәтиже көрсетті.
Алтын медальді Адильбек Мусин (100 метр баттерфляй) және Ксения Игнатова (100 және 200 метр шалқалап жүзу) жеңіп алды. Игнатова екі мәрте тұғырдың ең биік сатысына көтерілді.
Мусин сондай-ақ 50 метр баттерфляйда күміс медальға қол жеткізді. Айбат Мырзамұратов (100 метр брасс) пен Аделаида Пчелинцева (50 метр брасс) та күміс медаль жеңіп алды. Қола жүлдені Максим Сказобцов (100 метр баттерфляй) пен Айбат Мырзамұратов (50 метр брасс) иеленді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
