Қазақстандық спортшы Колумбиядағы Әлем кубогы кезеңінде алтын медаль жеңіп алды
Колумбияның Медельин қаласында артистік жүзуден Әлем кубогының кезеңі өтіп жатыр, деп хабарлайды Pin-UpSport.kz.
Аталған жарыста Қазақстан құрамасының өкілі Эдуард Ким алтын медаль иеленді.
Қазақстандық спортшы ерлер арасындағы еркін бағдарламада үздік нәтиже көрсетті. Ол 195.2476 ұпай жинап, жарыс қорытындысы бойынша бірінші орынға ие болды.
Әйелдер құрамасы да сәтті өнер көрсетті. Қазақстандық команда еркін бағдарламада жеңіске жетіп, ел қоржынына тағы бір алтын медаль қосты.
Бұған дейін техникалық бағдарламада қазақстандық Виктор Друзин үшінші орын алып, қола жүлде иеленген болатын.


