Қазақстандық Сергей Емельянов Азия чемпионатының он дүркін чемпионы атанды
Сергей Емельянов. Фото: Getty Images
Қытайдың Наньчан қаласында өтіп жатқан байдарка мен каноэде ескек есуден Азия чемпионатында ұлттық құрама спортшысы Сергей Емельянов топ жарды. Бұл туралы ҚР Туризм және спорт министрлігі Спортты дамыту дирекциясының баспасөз қызметі хабарлады.
Сергей 500 метрге жұптасып сынға түскен жарыста Руфина Искаковамен бірге бірінші болып келді. Айта кетсек, былтыр Токиодағы құрлық чемпионатында да осы жұп дәл осы қашықтықта алтын медаль жеңіп алған еді.
Емельяновтың ересектер арасындағы Азия чемпионаттарында бірнеше мәрте жеңіске жеткенін айта кеткен жөн. Оның қоржынында Наньчан-2025, Токио-2024, Районг-2022 мен Шанхай-2017 турнирлеріндегі жеке және командалық алтындар бар.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
