Қазақстан құрамасының ойыншысы Еуропада қалуы мүмкін
Георгий Жуков. Фото: Getty Images
Қазақстан құрамасының жартылай қорғаушысы Георгий Жуков Польша чемпионатында қалуы ықтимал. Бұл туралы Vesti.kz сайты хабарлады. Оның қазіргі командасы «Пуща» Экстраклассадан түсіп қалса да, 30 жастағы ойыншыға жоғарғы дивизионда қалатын бірнеше клуб қызығушылық танытып отыр.
Осыған байланысты бұған дейін жиі айтылған «Атырауға» ауысу нұсқасы ақырындап өзектілігін жоғалтуда. Жуковтың өзі де мықтырақ деңгейде ойнағысы келетінін жасырмайды.
Ал «Атырау» қазіргі таңда ҚПЛ-дың турнирлік кестесінде 13-орында тұр. Бұл жағдай жартылай қорғаушының кәсіби деңгейіне сәйкес келмейтінін көрсетеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
