Қазақстан құрамасының бас бапкерлігіне үміткерлер аталды
Фото: kff.kz
Футбол шолушысы Ермұхамед Мәулен шетелдік агенттердің Қазақстан құрамасының бас бапкері қызметіне ұсынған үміткерлерін жариялады, деп хабарлайды Pin-UpSport.kz «Fonteam» YouTube-арнасына сілтеме жасап.
Мәуленнің айтуынша, ұсынылғандардың қатарында серб мамандары Младен Крстаич пен Милич Чурчич бар. «Милич Чурчич Қазақстан футболын жақсы біледі, ағылшын тілін меңгерген және құрама ойыншыларынан толық хабардар. Ал Младен Крстаич — мықты кандидатура, оның жалақысы деңгейіне сәйкес келеді. Біз сұрастырғанда жылына шамамен 300 мың доллар екені айтылды», — деді Мәулен.
Крстаич бұған дейін Сербия құрамасында жұмыс істеп, 2022–2023 жылдары Болгария құрамасын басқарған.
Айта кетейік, Қазақстан құрамасының бас бапкері қызметі Бельгиядан 0:6 есебімен ұтылғаннан кейін Әли Әлиевтің отставкасынан соң бос қалған еді.
