Қазақстан құрамасы хоккейден әлем чемпионатында элиталы дивизионнан шығып қалды
Чемпионат мира по хоккею. Фото: Getty Images
20 мамыр күні Қазақстан хоккей құрамасы әлем чемпионатындағы соңғы ойынын өткізді. Қарсылас – мықты құраммен келген Швейцария.
Алғашқы кезеңде айдын иесі секілді ойнаған Қазақстан құрамасы есеп ашты. Бұл голды «Адмирал» шабуылшысы Аркадий Шестаков соқты. Алайда үзіліске бес секунд қалғанда НХЛ-да өнер көрсететін Кевин Фиала таразы басын теңестірді.
Үшінші кезеңде швейцарлар ойынды толығымен өз бақылауына алды. Әуелі «Цюрихтің» шабуылшысы Андригетто көзге түссе, кейін аты аңызға айналған 41 жастағы Амбюль мен «Лозанна» ойыншысы Риа есепті ұлғайтты.
Нәтижесінде Қазақстан құрамасы 1:4 есебімен жеңіліп, үш ұпаймен В тобының соңында қалды. Осылайша, ұлттық құрама элиталық дивизионмен қош айтысты. Ал Швейцария 19 ұпаймен көш басына шықты.
