Қазақстан 2027 жылғы УЕФА Супекубогын өткізуге ниетті
Суперкубок УЕФА. Фото: UEFA
Қазақстан 2027 жылы УЕФА Конференциялар лигасының немесе Суперкубогының финалын өткізуге ресми өтінім берді, деп хабарлайды Pin-Upsport.kz.
КФФ президенті Марат Омаровтың айтуынша, Александр Чефериннің елімізге алғаш рет жасаған сапары мен Мемлекет басшысы Қасым-Жомарт Тоқаевпен кездесуі футбол саласындағы ынтымақтастықты жаңа деңгейге көтерді.
«2027 жылы УЕФА Конгресін қабылдауға дайынбыз. Сонымен қатар, Астана немесе Алматыда Конференциялар лигасы не Суперкубок финалын өткізуге өтінім бердік. Қазіргі таңда стадиондар құрылысы жүріп жатыр. Сондай-ақ жастар арасындағы Еуропа чемпионаттарын (U-21 және U-19) өткізу жоспарда бар», – деді Омаров.
Бұл бастама Қазақстанның футбол инфрақұрылымын дамытып, халықаралық деңгейдегі турнирлерді қабылдай алатын ел ретінде беделін арттыруға бағытталған.
