Қазақ ескекшілері Азия чемпионатында төрт медаль жеңіп алды
Фото: Getty Images
Қытайдың Наньчан қаласында өтіп жатқан ескек есуден Азия чемпионатында Қазақстан құрамасы төрт медаль иеленді. Біздің спортшылар жарыстың шешуші кезеңінде жақсы нәтиже көрсетті.
Алғашқы жүлдені командаға байдаркада 1000 метрге жалғыз шыққан Стелла Суханова әкеліп, күміс медаль еншіледі. Ал каноэ ескегінде 500 метрге жұптасып шыққан Сергей Емельянов пен Полат Торебеков тек Қытай спортшыларынан қалып, тағы бір күміс алды.
Қола медальдар каноэ-одиночкада сынға түскен Мария Бровкова мен байдаркадағы аралас төрттіктен — Ольга Шмелева, Татьяна Токарницкая, Жахонгир Жамедов және Кирилл Тубаев еншісінде.
Жалпы есепте әзірге Қазақстан Қытайдан қалып тұр: қытайлықтар сегіз алтын медальмен көш бастап келеді. Алда — финалдық сынның соңғы күні.
