«Қайраттың» бас бапкері Темірлан Анарбековтың жағдайын айтты
Фото: ФК Кайрат
Алматының «Қайрат» клубының бас бапкері Рафаэль Уразбахтин жарақат алған қақпашы Темірлан Анарбековтың қазіргі жағдайы туралы айтты, деп хабарлайды Pin-UpSport.kz.
Маманның сөзінше, қалпына келу үдерісі дұрыс жүріп жатыр. Дегенмен, Темірлан 30 қыркүйекте өтетін «Реалға» қарсы ойынға үлгермейді. «Темірланды ауруханадан шығарды, ол базаға келді. Жақ сүйегіне қойылған бекіткіш бар, сондықтан әзірге толық жаттыға алмайды. Ол алынысымен жалпы топпен дайындыққа кіріседі. Дәрігер бәрі жоспарға сай өтіп жатқанын айтты», – деді Уразбахтин.
Сондай-ақ, бапкер Александр Заруцкийдің бірнеше күннен кейін жаттығуға қосылатынын жеткізді. Ал Португалияда «Қайраттың» қақпасын алғаш рет негізгі құрамда алаңға шыққан 18 жастағы Шерхан Қалмұрза қорғаған болатын. «Спортингтен» 1:4 есебімен жеңілгеніне қарамастан, жас қақпашының ойыны елде де, шетелдік басылымдарда да жоғары бағаланды.
