Путинцева Ухань турнирінің негізгі кезеңіне жолдама алды
Фото: Getty Images
Қазақстандық теннисші Юлия Путинцева (WTA рейтингінде 63-орында) Қытайдың Ухань қаласында өтіп жатқан беделді WTA 1000 турнирінің негізгі кезеңіне өтті, деп хабарлайды Pin-UpSport.kz.
Іріктеудің финалында Путинцева ресейлік Анна Блинковамен (71-орын) кездесіп, екі сетте айқын басымдықпен жеңіске жетті — 6:1, 6:1.
Бұған дейін Юлия алғашқы айналымда франциялық Диан Парриді (101-орын) 6:1, 6:0 есебімен ұтып, сенімді ойын көрсеткен болатын. Биылғы турнирдің жүлде қоры — 3,65 миллион доллар. Чемпион атанған спортшы 596 мың доллар мен 1000 рейтинг ұпайын иеленеді.
Өткен жылғы турнир жеңімпазы — әлемнің бірінші ракеткасы, беларусь теннисшісі Арина Соболенко.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
