ПСЖ Чемпиондар лигасының екінші финалисі атанды
Фото: Getty Images
7-8 мамыр түні Парижде Чемпиондар лигасының жартылай финалының қарымта матчы өтті. «Парк де Пренс» стадионындағы ойын 2:1 есебімен алаң иелерінің жеңісімен аяқталды. Қос матчтың қорытындысы бойынша (3:1) ПСЖ финалға жолдама алды.
27-минутта Фабиан Руис есеп ашып, Чемпиондар лигасындағы алғашқы голын салды. 67-минутта Витинья пенальтиден мүлт кеткенімен, араға көп уақыт салмай Хакими есепті 2:0-ге жеткізді. «Арсенал» үмітін Букайо Сака қайта жақты (76-минут), бірақ ол тағы бір тамаша мүмкіндікті пайдалана алмай қалды.
Енді париждіктер финалда «Интермен» кездеседі. Маусымның шешуші ойыны 31 мамырда Мюнхендегі «Альянц Аренада» өтеді. Бұл Чемпиондар лигасы тарихындағы 70-ші маусымның басты финалы болмақ.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
