Өзбектер тарихта қалды: әлем чемпионатына жолдама алды
Фото: BCC
АҚШ, Канада және Мексикада өтетін 2026 жылғы әлем чемпионатының финалдық кезеңіне Өзбекстан құрамасы да жолдама алды. Өзбектер іріктеуде А тобында ойнаған. Бұл топта Иран, Қатар, Қырғызстан, Біріккен Араб Әмірліктері мен Солтүстік Корея құрамалары болды.
5 маусым күні өткен 9-тур аясында Өзбекстан құрамасы сырт алаңда тікелей бәсекелесі – БАӘ командасына қарсы ойнады. Тең ойын өзбектерге жеткілікті еді. Кездесу 0:0 есебімен аяқталды.
Осы нәтижеден кейін Өзбекстан құрамасы топтағы екінші орнын сақтап қалды және әлем чемпионатына шығатыны анықталды. Олар іріктеу кезеңі аяқталмай тұрып жолдама алған үшінші азиялық құрама атанды. Бұған дейін Жапония мен Иран да финалдық кезеңге өткен еді.
2026 жылғы әлем чемпионатына тұңғыш рет 48 құрама қатысады. Турнирге жолдама алғандардың қатарында Аргентина мен Жаңа Зеландия да бар.
Айбар Рысдаулет
Модрич «Реалмен» қош айтысып, «Миланға» бет түзеді
Борисовтағы сәтсіз ойын: Қазақстан құрамасы Беларуське есе жіберді