Месси МЛС-те жаңа рекорд орнатты
Фото: Athlon Sports
Аргентина құрамасы мен «Интер Майами» шабуылшысы Лионель Месси АҚШ чемпионатының (MLS) тұрақты маусымында тарихи жетістікке жетті, деп хабарлайды Pin-UpSport.kz.
«Атланта Юнайтедке» қарсы өткен ойында Месси екі гол соғып, бір нәтижелі пас берді. Оның ойынының арқасында «Интер Майами» 4:0 есебімен сенімді жеңіске жетті. Лиганың ресми дерегінше, Месси — бір маусымда тоғыз матчта екі және одан да көп гол соққан MLS тарихындағы алғашқы футболшы.
Биылғы маусымда Месси 27 матч өткізіп, 26 гол соқты және 15 нәтижелі пас берді. «Интер Майами» 62 ұпаймен Шығыс конференциясында үшінші орында, ал «Атланта Юнайтед» 27 ұпаймен 14-сатыда тұр.
Клубтың келесі кездесуі 19 қазанда сырт алаңда «Нэшвиллге» қарсы өтеді. 38 жастағы Лионель Мессидің «Интер Майамимен» келісімшарты 2025 жылдың 31 желтоқсанына дейін жарамды.
